बीमा एजेण्टले पैसा कसरी कमाउँछन् ?

बीमा एजेण्ट बन्ने प्रयासमा

मानौँ कसैले १ करोड रुपैयाँको १५ वर्षका लागि बीमागर्‍यो भने उसले वार्षिक सालाखाला ७ लाख रुपैयाँ प्रिमियम बापत बुझाउनु पर्छ । ग्राहकले पहिलो वर्ष बुझाएको प्रिमियमको करिब २५ प्रतिशत रकम एजेण्टले पाउँछन्, कर कटाएर । अर्थात् १ करोड रुपैयाँको ईन्स्योरेन्स गराउँदा एजेण्टले १ लाख ७५ हजार रुपैयाँ कमिसन पाउँछन् ।

हाम्रो कथा २०७६ साउन २१ गते १७:५७

तस्बिर श्रोत : cloudcomputing-news.net

ईन्स्योरेन्स एजेण्ट  अर्थात् बीमा अभिकर्ता बनेर करोडौँ कमाउनेहरू धेरै हुन्छन् । खासमा भन्ने हो चाल पाउनेहरू मात्र बनेका छन् बीमाअभिकर्ता । खासमा यो पेसामा कमाई हुन्छ कसरी ?

यस्ता एजेण्टहरू भनेका ईन्स्योरेन्स कम्पनीका राजदूतहरू हुन् । जसले ती सम्बन्धित कम्पनीहरूको बीमापोलिसी ग्राहकसम्म पुर्‍याउने काम गर्छन् । यस्ता एजेण्टहरूले बीमा पोलिसी बेचे बापत निश्चित रकम ईन्सेन्टिभ पाउँछन् ।

मानौँ कसैले १ करोड रुपैयाँको १५ वर्षका लागि बीमागर्‍यो भने उसले वार्षिक सालाखाला ७ लाख रुपैयाँ प्रिमियम बापत बुझाउनु पर्छ । ग्राहकले पहिलो वर्ष बुझाएको प्रिमियमको करिब २५ प्रतिशत रकम एजेण्टले पाउँछन्, कर कटाएर । अर्थात् १ करोड रुपैयाँको ईन्स्योरेन्स गराउँदा एजेण्टले १ लाख ७५ हजार रुपैयाँ कमिसन पाउँछन् । त्यस्तै दोस्रो वर्ष १५ प्रतिशत र तेस्रो वर्षदेखि १० औ वर्षसम्म ५ प्रतिशतका दरले कमिसन आइरहन्छ । यसको अर्थ, आज १ करोड रुपैयाँको ईन्स्योरेन्स गराउँदा १० वर्षपछिसम्म पनि करिब ३५ हजार रुपैयाँ आइरहन्छ । एक हिसाबले यो पेन्सन जस्तै हो । र पेशाको मुख्य आकर्षण नै यही हो भन्दा हुन्छ ।

पछिल्लो समयमा एजेण्टहरू बिच तीव्र प्रतिस्पर्धा पनि चलिरहेको छ । जसका कारण एजेण्टहरु आफैले नयाँ नयाँ मार्केटिङ टुलहरू प्रयोग गरिरहेका छन् । पहिलो वर्षको कमिसन पुरै ग्राहकलाई छोडिदिने । धेरै प्रिमियम तिर्ने ग्राहकलाई वैकक, सिङ्गापुर जस्ता देशमा घुम्न पठाइदिने । उपहारहरू दिई ग्राहकलाई फकाउने काम पनि एजेण्ट हरूले गर्न थालेका छन् । जसलाई केहीले विकृति पनि भनेका छन् ।

भन्न खोजिएको कुरा, एक दिन राम्रो हुन्छ भन्ने सोचेर यो पेसा अँगाल्ने हो भने, जो कोही पनि सफल बन्न सक्छ । फेरि यो पेसा आफैमा विश्वमै पनि सम्मानित पेसा हो ।

अरूको जीवनमा भएको रिस्कलाई कभरेज दिलाउँदै आफूले पनि कमाई गर्ने पेसा हो । अर्थात् यो आम्दानी हुने सामाजिक काम हो । यो पेसा अँगाल्न हिचकिचाउनु जरुरी छैन । यदि यो पेसा अँगाल्न चाहनुहुन्छ भने यी टिप्सलाई सधैँ ख्याल गर्नुस् ।

१) ग्राहकको आवश्यकतालाई अगाडी राखौं

ग्राहकको आवश्यकतालाई ध्यानमा नराखी आयोग मात्रै कमाउन खोज्ने एजेण्ट  व्यवसायमा धेरै टिक्न सक्दैन I जुन एजेण्ट ले आफ्नो ग्राहकको सबै कुराहरूलाई ध्यान दिएर भरोसा हासिल गरेर उनीहरूको माग पुरा गर्न सक्छ त्यो एजेण्ट ले सफलता हासिल गर्न सक्छ I

२) राम्रो ग्राहक सेवा

जब ग्राहकहरूले आफूलाई चाहिएको बेला आफ्नो एजेण्ट सँग सम्पर्क गर्न सक्छन् तब उनीहरू खुसी र आश्वासन हुने सम्भावना धेरै हुन्छ I जाँच र फोन कल गरेका ग्राहकहरूलाई समयमै प्रतिक्रिया दिनु अत्यावश्यक हुन्छ र तपाइले ज गर्छु भन्नु भएको छ त्यो गरेर देखाउन जरुरी हुन्छ अथवा गर्न नसक्नु भएको खण्डमा नसक्नुको कारण राम्रो हुनुपर्छ I  जीवन बीमानीतिहरू खरिद गर्ने ग्राहकहरूको एक प्रमुख उजुरी भनेको उनीहरूले नीति खरिद गरिसके पछि उनीहरूको प्रश्नको उत्तर दिनाकोलागी खोइ पनि हुन्नन् I

३) उच्च ऊर्जा स्तर

राम्रो बीमाएजेण्ट को सबैभन्दा महत्त्वपूर्ण गुण भनेको उनीहरू सधैँ उत्साहित र उत्सुक हुन पर्छ I थकित  स्वभावको एजेण्ट भयो भने तुरुन्तै ग्राहकहरू केही खरिद गर्नु बाट निरुत्साहित हुन्छन् I

४) दृढता  

यो सायद कुनै पनि राम्रो बीमाएजेण्ट को सबै भन्दा महत्त्वपूर्ण गुण हो। यस क्षेत्रमा काम गर्नेले आफ्नो करियरको जीवनशैली दैनिक आधारमा तिरस्कार मुस्कानको साथ स्व्वेकार गर्न सक्ने सक्षम रहनु पर्छ I

५) इमानदारी

राम्रो एजेण्ट ले केही बह्येमा सत्य कुरा बताएर ग्राहकहरूको सम्मान र विश्वास जित्न सक्छ I त्यसैले इमानदार हुन जरुरी हुन्छ I

६) प्राविधिक ज्ञान

राम्रो बीमाएजेण्टले नीति कसरी बेच्ने मात्रै हैन अरू धेरै कुराहरू जानेको हुनु पर्छ I एजेण्टले ग्राहकलाई बेचेको उत्पादनहरूको कर र कानुनी पक्षहरू र चाहिने सबै कुरा बुझ्न जरुरी हुन्छ I

प्रतिक्रिया
लोकप्रिय